الجزء الرابع من زرع حصد
عم احمد .. السلام عليكم
وعليكم السلام
عم احمد .. اتفضلي يا حاجة الارنب ده لاحمد
ارنب تانى ؟ ابو مينا لسه جايب له ارنب
عم احمد .. ماهو علشان كده انا جبت ارنب تانى
مش فاهمة حاجة ؟
عم احمد .. بصي يا حاجة انتى عندك مساحة فاضية كبيرة فى البيت لانك عايشة انتى واحمد بس فا عايزك تستغلي المساحة دي فى تربية الارانب . الارنب ده مع اللى جابو ابو مينا هيخلفو ارانب تانى والرانب هتكبر وتخلف ارانب لو اهتميتى بيهم وتراعيهم كويس صدقيني فى ظرف سنة هيبقي عندك كمية ارانب كبيرة جدا وهتبيعي وتاكلى منهم كمان بس ياريت تراعيهم اهم حاجة ..
الحاجة فوزية .. والله ياحاجة احمد اتمنى اللى بتقول عليه ده عشان احمد والف شكرا ربنا يبارك فيكم وانا هنزف المشروع ده من الساعة دي واتمنى من الله التوفيق
عم احمد .. احنا اهل والعمالية واحد يا حاجة وربنا يصحل حالكم
عم احمد مشي والحاجة فوزية خدت الارنب وعملت اللى قال عليه ومبسوطة جدا باللي بيحصل معاها من الناس الحلوة اللى فى حتتها وكل يوم يخبط عليها واحد يطمن عليها مره ابراهيم ومرة علي واحمد وحسام ومايكل واخر الشهر يجيلها الشيخ عمر ومحمود بالفلوس وكل حاجة متوفرة معاها والراحة ابتدت تظهر على وش الطفل اليتيم اللى معاها لانها دلوقتى بتقدر توفر له اكل وشرب كويس والحياة حلوة وكل حاجة زي الفل
بعد مرور 20 سنة
الحاجة فوزية ماتت واحمد دلوقتى بقي راجل عندو 26 سنة وبفضل ربنا ثم الحاجة صاحب محل الهدوم اللى جاب لاحمد شنطة ولبس وكراريس احمد اتعلم وبقي خريج كلية تجارة . احمد اشتغل 10 سنين فى تجارة الارانب فى نفس البيت ومشاء الله كان عندو ارانب كتير جدا جدا لدرجة انو ساب المكان عشان صغير وباع البيت وعاش فى مكان تانى بعيد عن الحته اللى اتولد فيها وبدأ تجارة الارانب فيها واشتري حتة ارض وعملها مزرعة للارانب ودلوقتي بقي مليونير بجد زي ما قال عم احمد وقرر ياخد هداية فى العربية بتاعتو ويروح يقابل الناس الحلوة اللى هيا اصلا السبب في كل العز ده وخد عربيتو وراح الحته شاف واحد بقال عندو كشك صغير بيبص من جوه العربيه فى عنيه عرفو .
يااااااه انت محمود الشاب المحترم اللى كنت بتحبني وتشتري لي لعب وكل اما تشوفني تضحك فى وشي انا لازم اعمل معاه ومع ولادو زي اما عمل معايا ومع جدتي الله يرحمها .
احمد .. صباح الخير
محمود .. صباح الخير يا باشا
احمد .. بعد ازنك ممكن حاجة ساقعة
محمود .. اتفضل
احمد .. الواحد قرف من البلد دي فين ايام الناس الحلوة فين ايام شباب زمان لما كان الشاب منهم يشوف عيل يتيم يقول له ازيك يا صحبي ويبتسم فى وشو وكمان يشتري له لعب
محمود وقعت من ايدو ازازة الحاجة الساقعة لما سمع الكلام ده
محمود .. انت احمد حفيد الحاجة فوزيه صح ؟
احمد .. ازيكك يا راجل يا محترم
محمود .. انا مش مصدق نفسي ينهار ابيض
محمود حضن احمد وفضل يبوس فيه كانو ابنو واحمد كمان عيط من الفرحة بمحمود اللى هو كان سبب ابتسامتو زمان .
احمد .. قول لي بقي اخبارك ايه يا استاذ محمود وعامل ايه بص انا جيت النهاردة مخصوص بصراحة كده عشان اساعد الناس اللى هيا السبب فى اللى انا فيه دلوقتى انا دلوقتى ميونير يا عم محمود عارف يعني ايه ههههههههههههههه
محمود ... ربنا يزيدك يا احمد انت تستاهل كل خير وده عوضك عن كل اللى راح .
احمد .. قول لى بقي الناس دي فين واقفل يلا المحل ده هتيجي معايا عايزين نروح للشيخ عمر وعم احمد وابو مينا والناس اللى زي العسل دي يلا بقي مافيش وقت
******
انتظرو الجزء الخامس
