الحلقه السابعه من قصة الاستاذ و الاستاذة
*ليلى وخالد واقفين مع بعض وتلفونها يرن ويظهر اسم داليا*
ليلى:دى داليا
خالد*مش وقتها خالص*:متروديش
ليلى:لا يا خالد احسن يكون فى حاجة*وترد عليها*:الو
حاتم:ايوه يا ليلى انتى فين
ليلى:فى ايه يا حاتم
حاتم:فى تلميذ مش لقينه
ليلى:ازاى يعنى طيب طيب احنا جايين حالا*ليلى من خضتها قالت احنا*
خالد:فى ايه
ليلى:فى تلميذ من التلامذة تاه ومش لقينه
*وراحوه هما الاتنين*
خالد:يعنى ايه الحصل ده
حاتم:هو انتوا كنتوا مع بعض
خالد*يتجاهل كلامه*:وفين داليا
حاتم:راحت تدور عليه وانا لقيت موبايلها واتصلت بليلى
خالد:انا سيبتكوا عشان تخلوا بالكوا منهم
حاتم:ما انتوا لو كنتوا موجودين ماكنش حصل كدا مش سيبنا وقاعدين مع بعض
ليلى:ايه قاعدين مع بعض دى خلى بالك من كلامك يا حاتم
خالد:الولد لو حصله حاجة هتبقى مسئوليتكم
حاتم:يعنى انتوا تروحوا تقعدوا سوى وفى الاخر احنا ندبس احنا كلنا مسئولين على الحصل لو ماكنتوش مشيتوا ماكنش ده حصل
*خالد اتعصب اوى من كلامه وجت داليا ومعاها الولد وليلى جريت عليه وحضنته*
ليلى:انت كويس انت كنت فين
مازن:كنت بشترى حاجة حلوه
حاتم*اتعصب على الولد وكان لسه هيضربوا خالد مسك ايده*:اياك تعمل كدا تانى
خالد:انت اتجننت هتضربوه
حاتم:لو كان جرالوا حاجة كنا هنروح فى داهية
ليلى:والحمد لله مش جرالوا حاجة
خالد:يلا عشان نمشى
*وكل التلاميذ ركبوا الباص وليلى كانت مبسوطة اوى من كلام خالد وكانوا كل شوية يبصوا لبعض ويبتسموا ووصلوا وكل التلاميذ اهليهم خدتهم وخالد وليلى وداليا روحوا تانى يوم*
سامى:ليلى فى موضوع عايز اكلمك فيه
ليلى:خير يابابا
سامى:فى عريس متقدملك وهو زميلك فى المدرسة
ليلى*فرحت اوى وقلبها دق وسكتت*
سامى:انا سألت عليه لقيتوا ولد كويس ومحترم
ليلى:التشوفوا يا بابا
سامى:طيب على خير الله انا هبلغهم ييجوا بكرة
منيرة:مبروك يا حبيبتى
ليلى:الله يبارك فيكى يا ماما
*وييجى اليوم العريس هيزورهم فيه ,سامى يكون قاعد معاهم وتدخل ليلى عشان تقدملهم العصير وتكون موطية راسها ومكسوفة واول ما تبص تلاقى حاتم*
ليلى*بصاله ومصدومة*:حاتم
سهير:بسم الله مشاء الله زى القمر يا حتومة
*ليلى تقعد على الكرسى ومصدومة وباباها عمال يتكلم ويتفق على كل حاجة وهى مش قادرة تنطق ويقراءه الفاتحة وبعديها يسيبوهم لوحدهم*
حاتم:انا فرحان اوى
ليلى*ساكتة*
حاتم:بصراحة انا كنت عايز اقولك امبارح بس معرفتش اكلمك’,ليلى انتى متقدريش تتصورى انا فرحان قد ايه تعرفى انا افتكرتك هترفضى عشان حسيت ان ممكن يكون فى حاجة بينك وبين خالد عشان كدا كنت مضايق امبارح لما لقيتكوا اختفيتوا ومشيتوا سوى بس لما وافقتى اتأكدت ان مافيش حاجة بينكوا انا اسف انى شكيت فيكى
ليلى:حاتم انا
حاتم:انا بحبك اوى يا ليلى واوعدك انى عمرى ما هزعلك طول حياتى انا بصراحة اعجبت بيكى جدا لما شوفتك ولما قعدت واتكلمت معاكى حسيت انك انسانة محترمة وطيبة واتمنى ان اكمل عمرى معاكى
ليلى:حاتم
حاتم:نعم
ليلى*مش عارفة تتكلم تقول ايه حاسة انها مصدومة*:انا
سهير:يلا يا حاتم بقى نسيب العروسة عشان تجهز نفسها عشان يوم الخطوبة
حاتم*ابتسم*:سلام يا احلى عروسة *ويمشى حاتم هو ومامته*
منيرة:مالك يا ليلى فى ايه
ليلى:مفيش يا ماما انا كويسة
سامى:مبروك يا حبيبتى
ليلى:الله يبارك فيكوا ,’معلش انا هدخل انام عشان اصحى بدرى
*واول ما ليلى تدخل اوضتها تفضل تعيط ومش عارفة تعمل ايه هى كانت فاكرة انه خالد واتصدمت لما لقت حاتم ومش قادرة تتكلم وتعترض عشان هى بنفسها الوافقت عليه وفضلت تعيط وتانى يوم الصبح ليلى تكون قاعدة فى الاوضة لوحدها*
خالد:صباح الخير ,’وحشتينى يا لوله
ليلى:خالد
خالد:مالك يا ليلى فى ايه
ليلى:خالد فى حاجة حصلت امبارح
خالد:ايه الحصل يا ليلى
*وتيجى داليا وبعديها حاتم*
داليا:مالكوا واقفين كدا ليه
حاتم:صباح الخير ’,ايه ده يا لولو اوعى تكونى قولتلهم
داليا:قالتلنا ايه
خالد*بستغراب*:قالت ايه؟
حاتم*يمسك ايد ليلى*:انا وليلى خطوبتنا يعد يومين
خالد*اتصدم*:ايه
داليا:ايه ده بجد
حاتم:طبعا اومال بنهزر قوليلها يا ليلى
ليلى*كانت باصة لخالد وبتحاول تمسك نفسها عشان متعيطش*:اة بجد
داليا*حضنتها*:مبروك يا لولو
خالد*فضل باصصلها*:مبروك,’عن اذنكم انا عندى حصة
*ويمشى خالد وليلى تفضل واقفة مع حاتم وداليا بس ليلى مش معاهم خالص وعمالة تفكر فى خالد ويسيبهم حاتم ويروح حصته*
داليا:مالك يا ليلى فى ايه وكمان ازاى هتتخطبى لحاتم
ليلى:يعنى ايه ازاى
داليا:ليلى خالد بيحبك وده واضح اوى وواضح كمان انك بتحبيه ازاى بقى هتتخطبى لحاتم
ليلى*تعيط*:مش عارفة انا بجد تعبانة
داليا:اهدى يا ليلى واحكيلى على الحصل
*وتقعد ليلى مع داليا وتحكيلها*
ليلى:بس هو ده كل الحصل وانا لحد دلوقتى مش فهمى ازاى
داليا:يا نهار ابيض ,’طيب وهتعملى ايه دلوقتى
ليلى:مش عارفة انا مفيش مشاعر خالص من ناحية حاتم وكمان انا بحب خالد
داليا:متقلقيش ياليلى كل شئ هيتظبط
*ليلى تفضل مضايقة ومش عارفة تعمل ايه وفضلت قاعدة وسرحانة والحصة خلصت وخالد جه وكانت لوحدها*
