الحلقه العاشره والاخيرة من قصة الاستاذ والاستاذة
الاستاذ والاستاذة
*واول ما حاتم يطلع عند خالد تكون ليلى خارجت ومشيت الناحية التانية وحاتم يفتح الباب ويكون خالد قاعد على المكتب*
خالد:خير فى حاجة يا حاتم
حاتم*يحس انه ساء الظن بليلى عشان مطلعتش عنده*:لا,,,, اة قصدى مفيش كنت بقول لو تيجى تقعد معانا شوية
خالد:مش هينفع عندى حصة لما اخلصها ان شاء الله
حاتم*ياخد باله انه متعور*:ايه ده ايدك مالها
خالد:هه مفيش اتعورت الكوباية وقعت من ايدى اتكسرت جيت اشلها اتعورت
حاتم:طيب عن اذنك
خالد:اتفضل
*حاتم يروح على المكتب ويلاقى ليلى موجودة فيه*
حاتم:انتى كنتى فين
ليلى:انا كنت عند المدير تحت كان فى ورق عايزه ليه فى حاجة
حاتم:لا مفيش
ليلى:طيب انا هروح بقى عشان عندى حصة *ليلى اول لما تقوم يكون فى دم على ظهر البلوزة*
حاتم*يبص جامد ويفتكر ان خالد متعور*:ليلى
ليلى:نعم
حاتم:انا مستنيكى لما تخلصى الحصة
ليلى:ماشى
*حاتم يقعد وهيتجنن ومش عارف يعمل ايه وتيجى داليا*
داليا:مالك فى ايه
حاتم:مفيش
داليا:اومال سرحان كدا ليه
حاتم*فكر شوية*:داليا عايز اعرف منك حاجة
داليا:ايه
حاتم:ايه البين ليلى وخالد
داليا:هه ايه
حاتم:زى ما سمعتى ايه البين ليلى وخالد
داليا:واشمعنة انا السألتنى يعنى
حاتم:عشان انتى صاحبتها واكيد قيلك على كل حاجة
داليا:بص بقى يا حاتم انت لزما تعرف
حاتم:اعرف ايه
داليا:انا هقولك *وحكتله على الحصل*:بس يا حاتم هو ده كل الحصل وكان سوء تفاهم ليلى كانت فكراك خالد وطبعا بعد ما طلعت انت وجيت عندهم البيت ماكنش ينفع وسط اهلها تقول لا مش هو ده
حاتم:يعنى ليلى بتحب خالد
داليا:اة وهو كمان بيحبها ,انت هتعمل ايه بقى دلوقتى
حاتم:اعمل ايه فى ايه
داليا:يعنى اكيد لزما تسيبهم يرجعوا لبعض
حاتم:بس انا مصدقت القى ليلى
داليا:بس هى مش بتحبك حاتم لو بتحبها بجد خليها تروح للانسان ال بتحبه وبيحبها ومتجرحهاش اكتر من كدا
حاتم:ماشى ان شاء الله
داليا:اوكى عموما انا قولتلك وخلاص وال انت عايزه اعمله
*ويعدى اليوم عادى ويروح حاتم وهو بيفكر ويتصل بليلى*
حاتم:الو يا ليلى
ليلى:ايوه يا حاتم
حاتم:انا جايلك
ليلى:خير يا حاتم فى ايه ما احنا كنا لسه مع بعض
حاتم:فى موضوع عايزك فيه
ليلى:اوكى يا حاتم مستنياك
*ليلى تفضل تفكر ياترى حاتم عايزها فى ايه,حاتم يا خد قرار وييجى لليلى عشان يبلغهولها ويوصل حاتم ويقعدوا يتكلموا سوى*
ليلى:خير يا حاتم فى ايه
حاتم:انتى مالك قلقانة كدا ليه
ليلى:مش قلقانة بس مستغربة يعنى وكمان احنا كنا مع بعض فى المدرسة ماكنش ينفع تقولى الحاجة دى فى المدرسة
حاتم:لا مينفعش ,’ليلى انا عايز اسألك سؤال
ليلى:اسأل
حاتم:انتى بتحبينى
ليلى*استغربت من السؤال وماكنتش عارفة ترد*:ايه ده ايه السؤال الغريب ده
حاتم:ولا غريب ولا حاجة انتى بتحبينى الاجابة يا اة يا لا
ليلى*باصة فى الارض وساكتة*
حاتم:ممكن تبصيلى ,انا عارف انك مش بتحبينى انتى عمرك ما نطقتيها ولا حتى حسيستينى بيها طول الايام الفاتت دى وانا حاسس كأنك بتعملى مهمة عليكى مش اكترحتى لما بقرب منك وامسك ايديك كنتى بتبعديها عنى كأنك عايزة تقولى لا بس مش راضية توجهينى صح يا ليلى
ليلى*بتعيط*: حاتم انا بجد اسفة بس انا ماكنش ينفع اجرحك واقولك انا مش عايزاك خصوصا وانا شايفاك مبسوط
حاتم:انا ال اسف ياليلى *ومسك ايديها وخد الدبلة*:ربنا يسعدك انتى وخالد
ليلى*تتصدم*:خالد
حاتم:انا عرفت يا ليلى كل حاجة وقبل ما اعرف انا كنت حاسس ان فى حاجة بينكوا بس كنت بكدب نفسى وعموما ربنا يوفقكوا سوى انا همشى مع السلامة
ليلى:سلام
*ويمشى حاتم وليلى تكون فرحانة اوى انها اخيرا هترجع لخالد تانى وبلغت اهلها وطبعا استغربوا من الحصل وتانى يوم تروح ليلى المدرسة وتكون ليلى حصتها الاولى واول ما تدخل الفصل تلاقى خالد*
ليلى:دى حصيتى على فكرة
خالد:نعم!!!!! لا دى حصيتى
ليلى:لا حصيتى
خالد*قرب منها ومسك ايديها*:طب ما انا وانتى واحد
ليلى*بصتله *:خالد انت عرفت
خالد:اة حاتم قالى وانا سيبتك مرة تضيعى من ايدى المرة دى مش هسيبك ابدا
*وياخدها وينزلوا عند باباه*:بابا
جلال:ايه فى ايه
خالد:بابا انا عايز اتقدم لليلى قولت ايه
جلال:احنا فى المدرسة يا مجنون يا ابن المجنون
خالد:ما انا عارف اننا فى المدرسة المهم انى انا هتقدم لليلى
جلال:مبروك يا ابنى
*ويورحوا يتقدم لليلى ويتخطبوا وبعديها يتجوزوا ويوم الفرح التلاميذ بتعهم يكونوا موجودين وخالد وليلى يرقصوا سلو*
خالد:بحبك
ليلى:ايه مش سامعة
خالد*بيعلى صوته*:بحبااااااااااااااااااااك
ليلى:وانا كمان بحبك
*ويشلها ويلف بيها وكل ال فى الفرح يصقافوه ويعيشوا فى تبات ونبات ويجيبوا صبيان وبنات*
