الحلقه الثانية من قصة الاستاذ و الاستاذة
*ويدخل حاتم ويسلم على ليلى*
حاتم:صباح الخير
داليا:صباح النور,’دى المدرسة الجديدة يا حاتم
حاتم*بيسلم على ليلى*:اهلا وسهلا
ليلى:اهلا بحضرتك
حاتم:انتى مدرسة ايه
ليلى:لغة انجليزية وانت
حاتم:اللغة عربية *ويفضلوا قاعدين يتكلموا سوى وشوية *:انا هروح اجيب فطار هتجيبوا طبعا
داليا:اكيد وانتى يا لولو
ليلى:اوكى ماشى هجيب
حاتم:ماشى حضرى فلوسك يا داليا انا عازم ليلى
ليلى:لا مافيش داعى انا معايا
حاتم:لا انتى لسه جديدة وانا العزمك متخافيش دى مش عزومة مركبية
داليا:قال يعنى هتعزمها على كباب وكفتة ده فول وطعمية
حاتم:بقى كدا بتكسفينى قدامها وكمان هنفطر كباب وكفتة ازاى يعنى
ليلى*ضحكت*:خلاص خلاص انا موافقة
حاتم:طيب انا هروح الف على باقى زمايلنا واشوف مين هيجيب فطار
*ومشى حاتم وفضلت ليلى وداليا يتكلموا*
داليا:اصل احنا كل يوم حد فينا بيلف ويلم الفلوس ويروح يجيب السندوتشات
ليلى:تمام حلو التعاون ده
داليا:اة احنا اسرة مع بعضينا بس طبعا معادى واحد
ليلى:اكيد ال اسمه خالد ده صح
داليا:ايه ده انتى عرفتى خالد
ليلى:انا اتخنقت معاه اول اليوم اصلا
داليا:معلش هو كدا تنك وقاعد فى الاوضة لوحده عشان باباه مدير المدرسة بقى شايف نفسه
ليلى:معقولة فى انسان كدا
داليا:اة فيه سيبك منه
ليلى:ما انا سيبانى منه بس بجد مضايقنى اوى
ندى:معلش بكرة تتعودى على ده
*ويفضلوا قاعدين مع بعض وييجى حاتم ويفطروا ويعدى يوم الدراسى عادى وتروح ليلى*
ليلى:السلام عليكم
منيرة:وعليكم السلام يا حبيبتى ها عملتى ايه مرتاحة فى المدرسة
ليلى:الحمد لله
منيرة:طيب ادخلى غيرى هدومك وانا هحضر الغداء يكون باباكى جه
ليلى:ماشى يا ماما
*وليلى تدخل تغير وتخرج من اوضتها وتقعد هى وباباها وماماتها وياكلوا بس ليلى تسرح وتفتكر الخالد عامله وتكون ماسكة الشوكة وتخبط على الطبق جامد*
ليلى:انسان مستفز اوى
سامى:هو مين ده
منيرة:مين ده يا حبيبتى
ليلى*تنتبه لكلمهم*:هه ده استاذ فى المدرسة
سامى:هو ضايقك ولا ايه؟
ليلى:ده استاذ طالع فيها اوى واتخنقت معاه*وتحكلهم الحصل*
سامى:لا انا هروح اشتكى للمدير
ليلى*ابتسمت*:بابا انت محسيسنى انى تلميذة انا مدرسة وكمان هو ابن المدير اكيد مش هيعملوا حاجة
منيرة:خلاص متروحيش تانى
ليلى:انا مصدقت انى اشتغل وفى الاخر اسيبها بلسهولة كدا وعشان ده ,لا مستحيل طبعا خلاص يا بابا هو الموضوع اتقفل خلاص
سامى:ماشى خلاص بس لو حصلت حاجة تانى قوليلى
ليلى:ان شاء الله ’انا هدخل انام شوية بقى
*ودخلت اوضتها وفضلت برده تفكر فى الخالد عمله واسلوبه المستفذ جدا ده ,’,’خالد قاعد مع باباه ومامته بيتغده*
جلال:مينفعش ال انت عملته النهاردة ده
خالد:يا حضرة المدير افهمنى
جلال:افهمك ايه انت هتجننى يا بنى يعنى فى البيت يا حضرة المدير وفى المدرسة يابابا انت احول ياض
شريفة:ليه كدا يا ابنى حرام عليك
خالد:هى الداخلة تقول دى حصتى ومش حصتى ليه يعنى
جلال:يا ابنى الجدول اتغير
خالد:وانا معرفش انه اتغير وخلاص يابابا بقى يلا انا هقوم *ويقوم يقعد على التى فى*
جلال:ابنك هيجننى بجد
شريفة:معلش هو مكنش كدا انت السبب
جلال:انا؟
شريفة:اة انت ناسى انه كان عايز يطلع مهندس وانت صممت انه يبقى مدرس
جلال:عشان لزما يكون هو المدير بتاع المدرسة بعدى لما اموت
شريفة:بعد الشر عليك متقولش كدا يا ابو خالد ربنا يخليك لينا يارب
*ويخلصوا غداء ويقعدوا مع بعض كلهم ويتفرجوا على التى فى ويعدى اليوم عادى فى بيت ليلى وخالد ويعدى اسبوعين وكل يوم تروح ليلى المدرسة وتحاول تتجنب خالد ومتبصلوش حتى فى الطابور وفى يوم من الايام *
ليلى:الدرس سهل خالص اعملوا الواجب بقى والمش هيعمل الواجب هعقبه هيفضل طول الحصة واقف انا مبحبش اعاقب حد بس مدام هتهملوا فى دراستكوا يبقوا تستحقوا العقاب يلا اشوفكوا بكرة
*ولسه ليلى هتخرج من الباب يكون خالد بيفتح الباب وتتخبط فيه وعنيها تيجى فى عينه ويفضلوا دقايق بصين لبعض وسرحانين والتلاميذ تفضل بصالهم وساكتين منتظرين ان خالد يتخانق وبعد كدا ليلى تبص فى الارض وتمشى من جمب خالد ’وخالد يفضل واقف مكانه ويبصلها بعد ما تمشى*
ادهم*تلميذ من التلامذة*:يلا يا استاذ الحصة بدأت
خالد:ماشى
*ويبدأ خالد يشرح الدرس وكل شوية يسرح ويفتكر نظرة ليلى ليه ’,ليلى تروح الاوضة بتاعت المدرسين وقلبها بيكون بيدق جامد هى مش عارفة ليه وتقعد على المكتب وتاخد نفس عميق*
داليا:مالك يا لولو فى ايه
ليلى:لا مفيش انا انا كويسة
داليا:ماشى
*وتقعد ليلى وتفضل تفتكر نظرة خالد لعنيها وتسرح وداليا تفضل تكلمها*
داليا:لا انتى مش معايا خالص
ليلى:لا معاكى
داليا:بزمتك طب انا كنت بقول ايه
ليلى:مش عارفة
داليا:عشان تعرفى انك مش معايا عموما الواخد عقلك يتهنى به
ليلى*تبتسم*:صدقينى مفيش حاجة بس يمكن تعبانة شوية
ندى:انتى لسه من اول شهروتعبتى اومال بعد كدا هتعملى ايه
*وييجى حاتم وليلى تسرح تانى*
حاتم:صباح الخير
داليا:صباح النور
حاتم:بقول صباح الخير
داليا:مش هترد دى فى عالم تانى
حاتم:ليه فى ايه
داليا:مش عارفة من ساعة ما جت من الحصة وهى كدا وسرحانة
حاتم:ايه يا ليلى حصل حاجة
ليلى:هه مفيش والله يا جماعة عادى شوية صداع
داليا:عليا انا برده ال صداع ال
ليلى:اة صداع وبس
داليا:ماشى ياستى,انا هروح اجيب فطار اجبلكوا
حاتم:ماشى
ليلى:اوكى
*ويعدى اليوم الدراسى وتروح البيت وتفضل قاعدة تتفرج على التلفزيون وسرحانة وييجى مشهد من فيلم عمر وسلمى لما يبصه لبعض واول ما تشوف المشهد تفتكر الموقف بتاعها هى وخالد ومامتها وباباها يلحظه انها سرحانة على طول*
